GUILHERME DE AQUITÂNIA, TROVADOR
![Imagem](https://blogger.googleusercontent.com/img/b/R29vZ2xl/AVvXsEjLIuQx5pnKBXJb0ANwNh6CKy_bd3TKc8_eh0g1GvoWkUf9mEOPno6cFArV7vf2d8UoI1h-5E44BJYehYofydFQaNFUhf3Mqcs5APEHS8KY3U8YCZtaMDlCQODbryNRTjiTJcvu1ROvHMTG/s200/200802131031050_KGuilherme2.jpg)
Farai un vers de dreit nien: non er de mi ni d´autra gen, non er d´amor ni de joven, ni de ren au, qu´enans fo trobatz en durmen sobre chevau. No sai en qual hora ´m fui natz, no sui alegres ni iratz, no sui estranhs ni sui privatz, ni no´n puesc au, qu´enaissi fui de nueitz fadatz sobr´un pueg au. No sai quora ´m sui endurmitz ni quora ´m velh, s´om no m´o ditz; per pauc no m´es lo cor partitz d´un dol corau, e no m´o pretz una fromitz, per Sanh Marsau! Malautz sui e tremi murir e ren no´n sai mas quan n´aug dir; metge querrai al mieu albir, e no ´n sai tau; bos metges er, si´m pot guerir, mas ja nos, si amau. Amigu´ai ieu, no sai qui s´es, qu´anc no la vi, si m´ajut fes; ni´m fes que´m plassa ni que´m pes, ni no m´en cau, quánc non ac Norman ni Frances dins mon ostau. Anc no la vi et am la fort, anc no´n aic dreit ni no´m fes tort; quan non la vei, be m´en deport; no´m pretz un jau; qu´i